نصنع المستقبل الرقمي...
1
شركاؤك في بناء مستقبل رقمي يتصدر المنافسة - لنتحدث عن مشروعك
جديد تطبيق همّتي مجاني لطلاب كل المنصّات

منصّتك التعليمية
وتطبيقك…
باسمك

بيع دوراتك المسجّلة وحصصك المباشرة من موقع باسمك وشعارك، وخلّي طلابك يحضروا بأمان من تطبيق همّتي. بدون مبرمجين، وبدون عمولة على مبيعاتك: مصاريك بتوصلك إنت.

0% عمولة على مبيعاتك علامة مائية برقم كل طالب دعم بالعربي على واتساب
المميزات

كل اللي بتحتاجه
لتبيع دوراتك

من أول فيديو بترفعه لحد الشهادة اللي بيستلمها طالبك. أداة وحدة بدل عشر أدوات، وكلها بالعربي.

الدورات المسجّلة
ارفع فيديوهاتك بأي حجم وبنفس وضوحها، ونظّمها بوحدات ودروس وملفات.
البث المباشر
حصص لايف مع شات ورفع إيد، وبعد ما تخلص بتتحوّل لدرس مسجّل بكبسة.
الاختبارات
بنك أسئلة، مؤقّت، وتصحيح تلقائي. الطالب بيعرف علامته فوراً وإنت بتعرف وين بيغلط.
الشهادات
شهادة إتمام باسم طالبك وشعارك، برقم تسلسلي و QR للتحقق منها.
أكواد التفعيل
اطبع بطاقات وبيعها بالمكتبات والمراكز، وتابع كل موزّع: كم كود ولّد، وكم انباع.
دخول برمز OTP
الطالب بيدخل برقم تلفونه. لا كلمات سر بتنسى، ولا حساب واحد بيتشارك بين خمس طلاب.
التحليلات
مين حاضر، وين الطلاب بيوقفوا بالفيديو، وأي دورة بتبيع أكثر. أرقام بتفهمها من أول نظرة.
الدفع بطريقتك
CliQ، زين كاش، بطاقة، رابط الدفع تبعك، أو أكواد. والمصاري بتوصلك إنت مباشرة.
هويتك إنت
شعارك، ألوانك، ودومينك الخاص. الطالب بيشوف اسمك إنت، مش اسمنا.
الحماية

محتواك محمي.

تعبت على كل درس، وما بدنا حدا يبيعه بقروب تلغرام بنص دينار. كل فيديو مشفّر، وعليه رقم الطالب اللي بيحضره.

علامة مائية متحرّكة
رقم الطالب وآخر أرقام تلفونه بيتنقّلوا على الشاشة، فما بينقصّوا.
كشف المسرّب
ارفع المقطع المسرّب، وخلال دقائق بنقلك مين الطالب.
حد جهازين لكل طالب
الاشتراك لطالب واحد، مش لكل الصف. وإنت بتعيد ضبط الأجهزة من اللوحة.

ويب، أو ويب وتطبيق باسمك؟

الحماية الأساسية موجودة بكل الخطط. التطبيق الخاص بيضيف هويتك بالمتجر والإشعارات باسمك.

الحماية منصّة ويب منصّة + تطبيق خاص
تشفير الفيديو ومنع التنزيل
علامة مائية برقم الطالب
كشف مين سرّب المحتوى
حد جهازين لكل طالب
مشاهدة آمنة مجاناً عبر تطبيق «همّتي»
منع تصوير الشاشة وتسجيلها
منع تصوير الشاشة على متصفح الويب نفسه
المتصفح ما بيسمح
التطبيق باسمك وشعارك بالمتجر
الإشعارات باسمك

بالمتصفح ما في منصة بتمنع التصوير 100%… بس إحنا بنعرف مين سرّب.

وللحماية الكاملة، فعّل «التشغيل من التطبيق فقط» وخلّي طلابك يحضروا من تطبيق همّتي.

مجاني بكل الخطط

تطبيق همّتي
مجاناً لطلابك

طالبك بينزّل تطبيق همّتي من App Store أو Google Play، بيدخل برقم تلفونه، وبيلاقي دوراتك جاهزة. مشترك مع أكثر من أستاذ؟ بيبدّل بين المنصّات من قائمة وحدة.

منع تصوير الشاشة
وتسجيلها داخل التطبيق
التشغيل من التطبيق فقط
كبسة وحدة من لوحة التحكم
بدون ما تدفع للمتاجر
ولا حساب Apple ولا Google
بدك تطبيق باسمك؟
+250 د.أ بالسنة، من باقة 50 وفوق

من الفكرة لأول طالب،
بأربع خطوات.

01
أنشئ منصّتك
اختار اسم ورابط ____.wedu.app، وحط شعارك وألوانك.
02
ارفع محتواك
فيديوهات، ملفات، اختبارات. إحنا بنشفّر وبنجهّز كل شي.
03
بيع بطريقتك
أكواد بالمكتبات، CliQ، أو رابط الدفع تبعك. بدون عمولة.
04
طلابك بيتعلّموا
من موقعك أو من تطبيق همّتي، وإنت بتتابع كل شي من اللوحة.
الأسعار

تبدأ من 250 د.أ بالسنة

ثلاث باقات حسب ساعات الفيديو اللي بترفعها، ونفس المميزات بالثلاث.

همّتي 20
250د.أ / سنة
20 ساعة فيديو
ابدأ الآن
همّتي 50
350د.أ / سنة
50 ساعة فيديو · تطبيق خاص متاح (+250)
ابدأ الآن
الأكثر اختياراً همّتي 100
500د.أ / سنة
100 ساعة فيديو · تطبيق خاص متاح (+250) · إضافة ساعات متاحة
ابدأ الآن
كل الباقات: طلاب ومشاهدات بلا حدود، 0% عمولة، مشاهدة آمنة مجاناً عبر تطبيق همّتي، علامة مائية وكشف المسرّب، اختبارات وشهادات، أكواد تفعيل، بث مباشر، ودعم واتساب.
تطبيق خاص باسمك: +250 د.أ بالسنة — من باقة 50 وفوق

الإضافات

الإضافةبالسنة
التطبيق الخاص باسمكAndroid و iOS بشعارك · من باقة 50 وفوق+250 د.أ
+100 ساعة فيديولباقة همّتي 100 فقط100 د.أ
+250 ساعة فيديولباقة همّتي 100 فقط220 د.أ
+500 ساعة فيديولباقة همّتي 100 فقط400 د.أ
+50 GB ملفاتPDF ومرفقات3 د.أ / شهر
رصيد بث مباشر10,000 دقيقة مشاهدة15 د.أ
رسائل OTPرصيد مسبق، واتساب أو SMSحسب الاستهلاك

باقات 20 و50 ساعة بتزيد بالترقية لباقة أكبر، مش بإضافة ساعات منفصلة — عشان هيك إضافة الساعات متاحة بس على باقة 100.

رسوم حسابات Apple و Google للتطبيق الخاص على الأستاذ. وما في شراء داخل التطبيقات: الطالب بيشترك من موقعك أو بكود تفعيل، فما بتخسر 15–30% عمولة متاجر.

أسئلة
بتنسأل كثير

ما لقيت جوابك؟ احكي معنا على واتساب، وبنرد عليك بنفس اليوم.

هل المصاري بتوصلني أنا مباشرة؟

أكيد. إنت بتستلم من طلابك بطريقتك: CliQ، زين كاش، رابط دفع، أو بطاقات تفعيل بالمكتبات. همّتي ما بتاخذ ولا قرش من مبيعاتك، بتدفع بس اشتراك المنصّة.

بقدر الطالب يصوّر الشاشة ويسرّب الدروس؟

داخل تطبيق همّتي التصوير والتسجيل ممنوعين. على المتصفح ما في منصة بالعالم بتقدر تمنعه 100%، بس العلامة المائية برقم الطالب بتخلّينا نعرف مين سرّب خلال دقائق.

شو الفرق بين تطبيق همّتي والتطبيق الخاص؟

تطبيق همّتي مجاني وبيجمع كل المنصّات بمكان واحد بهوية همّتي. التطبيق الخاص (+250 د.أ بالسنة، من باقة 50 ساعة وفوق) بينزل بالمتجر باسمك وشعارك، والإشعارات بتطلع باسمك.

شو بصير إذا خلصت ساعات الفيديو؟

باقة 100 بتقدر تضيف 100 أو 250 أو 500 ساعة من لوحة التحكم بدقيقة. باقتي 20 و50 بتكبروا بالترقية لباقة أكبر بدل إضافة منفصلة. وبكل الحالات، بنبعتلك تنبيه قبل ما توصل للحد، ولا فيديو من فيديوهاتك بيوقف.

بقدر أربط دومين خاص فيني؟

منصّتك بتشتغل فوراً على رابط ____.wedu.app، وبتقدر تربط دومينك الخاص (مثل academy.jo) من لوحة التحكم.

عندي طلاب ودورات على منصة ثانية، بتساعدوني أنقلهم؟

احكي معنا وبنرتّب النقل معك: الفيديوهات، قوائم الطلاب، والاشتراكات الفعّالة، عشان طلابك ما يحسّوا بأي فرق.

احجز عرضك المجاني

عبّي بياناتك، وبنرجعلك على واتساب بنفس اليوم.

بنستخدم بياناتك بس للتواصل معك بخصوص العرض.

جاهز تطلق منصّتك؟

اختار اسمك اليوم، وارفع أول درس بكرة. وإذا علقت بأي خطوة، إحنا معك على واتساب.